په‌رله‌مانتارێك: قه‌یرانی موچه‌ له‌ هه‌رێم هیچ په‌یوه‌ندیه‌كی به‌ عێراقه‌وه‌ نیه‌

به‌یانی ئه‌مڕۆ پێنجشه‌ممه‌ له‌ بازاڕه‌كانی هه‌رێمی كوردستان به‌های دۆلار به‌رامبه‌ر به‌دیناری عێراقی به‌رزبوه‌وه‌ و به‌های 100 دۆلار به‌رامبه‌ره‌ به‌ 157 هه‌زار و 300 دینار، به‌های تمه‌نیش له‌نزمترین ئاستدا جێگیر بوه‌، 100 دۆلار به‌رامبه‌ره‌ به‌ پێنج ملیۆن و 40 هه‌زار تمه‌ن.

$100=157,300

نرخی تمەن بەرامبەر دۆلار

$100=5,040,000

نرخی لیرەی تورکی بەرامبەر دۆلار

2,800=100$

‎نرخی یۆرۆ بەرامبەر دینار

167,750=€100

‎نرخی پاوەن بەرامبەر دینار

194,500=£100

‎نرخی یۆرۆ بەرامبەر دۆلار

€100=107$

‎نرخی پاوەن بەرامبەر دۆلار

£100=124$

ئه‌ندامێكی ئه‌نجومه‌نی نوێنه‌رانی عێراق، هه‌رێمی كوردستانی تۆمه‌تبار كرد به‌ پابه‌ند نه‌بون به‌ بڕیار و كۆنتڕۆڵه‌كانی حكومه‌تی ناوه‌ند و راشیگه‌یاند، “قه‌یرانی موچه‌ كێشه‌یه‌كه‌ له‌ناو حكومه‌تی كوردستاندا، هیچ په‌یوه‌ندیه‌كی به‌ حكومه‌تی عێراقه‌وه‌ نیه‌”.

جاسم موسه‌وی ئه‌ندامی ئه‌نجومه‌نی نوێنه‌ران له‌ لێدوانێكی رۆژنامه‌وانیدا رایگه‌یاند، قه‌یرانی موچه‌ی فه‌رمانبه‌رانی هه‌رێمی كوردستان، قه‌یرانی ئه‌مڕۆ و نوێ نیه‌، به‌ڵكو 10 ساڵه‌ تا ئێستا به‌رده‌وامی هه‌یه‌.

حكومه‌تی كوردستان به‌رپرسیارێتی نه‌دۆزینه‌وه‌ی چاره‌سه‌ری گونجاو بۆ ئه‌و قه‌یرانه‌ی له‌ ئه‌ستۆدایه‌

جاسم موسه‌وی ئاماژه‌ی به‌وه‌شكردوه‌، حكومه‌تی كوردستان به‌رپرسیارێتی نه‌دۆزینه‌وه‌ی چاره‌سه‌ری گونجاو بۆ ئه‌و قه‌یرانه‌ی له‌ ئه‌ستۆدایه‌ سه‌ره‌ڕای به‌رده‌وامبونی چه‌ندین ساڵه‌، “قه‌یرانی موچه‌ كێشه‌یه‌كه‌ له‌ناو حكومه‌تی هه‌رێمدا و حكومه‌تی به‌غدا هیچ په‌یوه‌ندییه‌كی به‌و بابه‌ته‌وه‌ نییه‌”.

ئه‌وه‌شی رونكرده‌وه‌، “یه‌كێك له‌ هۆكاره‌كانی قه‌یرانه‌كه‌ دابیننه‌كردنی موچه‌یه‌ له‌ كاتی خۆیدا بۆ فه‌رمانبه‌ران، تا ئێستاش هه‌رێمی كوردستانیش به‌رده‌وامه‌ له‌ پابه‌ندنه‌بون به‌ بڕیار و كۆنتڕۆڵه‌كانی حكومه‌تی ناوه‌ند”.

تاوه‌كو ئێستا موچه‌ی مانگی (ئه‌یلول/9)ی 2023ی فه‌رمانبه‌رانی هه‌رێمی كوردستان دابه‌شنه‌كراوه‌، بۆ ئه‌و مه‌به‌سته‌ش حكومه‌تی هه‌رێم چاوه‌ڕوانی ناردنی 700 ملیار دیناری قه‌رز له‌ به‌غداوه‌ ده‌كات، به‌رپرسانی حكومه‌تی هه‌رێم، ئۆباڵی دواكه‌وتنی موچه‌ی فه‌رمانبه‌ران ده‌خه‌نه‌ ئه‌ستۆی حكومه‌تی عێراق و ده‌ڵێن، “به‌هۆی نه‌ناردنی شایسته‌ داراییه‌كانی هه‌رێم له‌لایه‌ن حكومه‌تی فیدڕاڵیه‌وه‌، موچه‌ی فه‌رمانبه‌ران دواكه‌وتوه‌”.